ABŞ Prezidenti Donald Tramp mayın 16-da Türkiyədə Rusiya və Ukrayna arasında keçiriləcək danışıqlara şəxsən qoşulmaq imkanını nəzərdən keçirir. Lakin onun iştirakı Rusiya Prezidenti Vladimir Putinin görüşə gəlib-gəlməyəcəyindən asılıdır.
Bu barədə CNN telekanalı Ağ Evin yüksək vəzifəli nümayəndəsinə istinadən məlumat yayıb.
O bildirib ki, vəziyyət hazırda son dərəcə dinamikdir.
Daha əvvəl Trampın özü sülh nizamlanmasının irəliləməsi üçün faydalı olacağı təqdirdə İstanbula uçacağını ehtimal etmişdi.
