24 may 2015-ci il tarixdə saat 15:00-daAzərbaycan Respublikasının Prezidenti yanında Gənclər Fondunun maliyyə dəstəyi ilə “Avropa Tələbələr Forumu-Sumqayıt” İctimai Birliyi“Baki 2015 – Könüllü ol! Gənclərin könüllülük bacarıqlarının artırılması”adlı layihənin bağlanış mərasimi keçirilmişdir. Qeyd edək ki, layihə 18-24 may 2015-ci il tarixilərində Bakı şəhərində həyata keçirilmişdir.
Layihənin tərtibatının və icrasının başlıca məqsədiölkəmizdə könüllü fəaliyyətin həvəsləndirilməsinə nail olmaq, könüllü şəbəkənin yaradılmasına töhfə vermək, beynəlxalq könüllülük proqramlarınıtəbliğ etmək və ölkəmizdə tətbiq etməkdən ibarətdir.
1 həftə ərzində həyata keçirilən təlim və seminarlar gənclərdə könüllülük bacarıqlarının artırılmasında , ölkəmizdə həyata keçirilən möhtəbər tədbirlərin reallaşmasında gənclərin yaxından iştirakına bir dəstək vermişdir.
Layihə çərçivəsində gənclərə proffesional təlimçilər tərəfindən təlimlər keçirilmiş , uğur qazanan gənclərlə görüş olmuşdur. “Könüllüllük bacarıqlarının artırılması və könüllülük” təlimlərini “Könüllülər İB.” Sədri İmam Quliyev ,” Layihələrin yazılması və İdarə Olunması” Təlimçi İsmayıl İsmayılov və digər təlimçilər keçmişlər. Layihə çərçivəsində 70-ə yaxın gənc təlimlərə qoşulmuşdur. Sonda iştirakçılar sertifikatlarla təltif olunmuşdur.
Layihənin rəhbəri“Avropa Tələbələr Forumu-Sumqayıt” İctimai Birliyinin sədriAzər Məhərrəmovdur
