Ölkədə həyata keçirdiyi sosial layihələrlə tanınan "Kontakt” mağazalar şəbəkəsi bu il Zəfər Gününün 5 illiyi münasibətilə təqdirəlayiq bir addım atıb. Şəbəkə "Gələcəyi Yazanlar” təhsil proqramı çərçivəsində əlavə 20 nəfərin tam - 100% təqaüdlü təhsil xərclərini qarşılayıb.
AZXEBER.COM xəbər verir ki, bu təşəbbüs yay aylarından start götürmüş "Kontakt” ilə "Div Academy”nin tərəfdaşlığı əsasında həyata keçirilən "Gələcəyi Yazanlar” təqaüd proqramının II dalğasının tərkib hissəsidir.
Proqramın əsas mexanizmi tələbə yönümlüdür: müraciətçilər əldə etdikləri nəticəyə əsasən 60% və ya 40% təqaüd qazana bilirlər.
Bundan əlavə, "Kontakt” bu layihədə bir xüsusilik də edib: sosial cəhətdən həssas əhali qrupundan 50 nəfərə tam 100% təqaüd də təqdim edir.
İndi isə Zəfər Gününün 5 illiyi münasibətilə bu rəqəmə əlavə yer də qoşulur. Zəfər yubileyinə görə "Kontakt” məhz qazi və şəhid ailəsi üzvü olan 20 nəfərin seçdiyi ixtisas üzrə təhsilin tam həcmini qarşılamağı öz üzərinə götürüb.
Proqram çərçivəsində ölkədə əmək bazarında ən çox tələb olunan istiqamətlər - Rəqəmsal Marketinq, Proqramlaşdırma, Data Science və IT Layihələri üzrə real bacarıqlar formalaşdırılır. Tədris müddəti seçilmiş sahə üzrə orta hesabla 6 ay davam edir və dərslər mütəxəssis təlimçilər tərəfindən əyani keçirilir.
Qeyd edək ki, "Kontakt” mağazalar şəbəkəsi illərdir ki, "Qarabağ Proqramı” çərçivəsində müxtəlif vətənpərvərlik layihələri həyata keçirir. İndiyədək "Qarabağ Proqramı” üzrə həyata keçirilən vətənpərvərlik layihələrinə 2 milyon manatdan artıq vəsait cəlb olunub. Şəbəkənin vətənpərvərlik missiyası bu gün də güclü şəkildə davam edir. "Kontakt” mağazalar şəbəkəsi yuxarıda bəhs edilən misilsiz təhsil imkanı ilə şəhid ailələrinin yanında olduğunu bir daha sübut edir və bu məsələlərə hər kəsi dəstək olmağa çağırır.
"Qarabağ Proqramı” ilə həyata keçirilən layihələrlə buradan tanış ola bilərsiniz.
