Avropa İttifaqının təhlükəsizlik sahəsində gücləndirilməsi Rusiyaya qarşı yönəlib.
Bunu Rusiya xarici işlər naziri Sergey Lavrov türkiyəli həmkarı Hakan Fidanla danışıqlarının yekunlarına dair birgə mətbuat konfransında bildirib.
Onun sözlərinə görə, Ukraynanın Aİ-yə daxil edilməsi birliyin hərbiləşdirilməsini müdafiə edənlər tərəfindən istifadə edilə bilər.
Eyni zamanda Lavrov vurğulayıb ki, Ukrayna Avropa İttifaqına qoşularsa, Aİ sadəcə dağılacaq.
"Aİ-nin daxili problemləri baxımından, bəlkə də Ukraynanın ora qoşulması pis fikir deyil. O zaman onlar sadəcə dağılacaqlar", - Rusiya XİN başçısı fikrini yekunlaşdırıb.
