Bir müddət bundan öncə Lənkəran Dövlət Universitetinin bir qrup tələbəsinin bu ali təhsil ocağında baş alıb gedən rüşvət yığımı ilə bağlı mətbuata müraciət yollaması haqqında xəbər dərc etmişdik.
(Əvvəlki yazı ilə buradan tanış ola bilərsiniz:Lənkəran Dövlət Universitetində analoqu olmayan rüşvət yığımı )
AZXEBER.COM-un məlumatına görə, həmin məlumatda universitetin prorektoru Qorxmaz Ağayevin rüşvət aldığı zaman çəkilən videosunun ardından, universitetdə bir müddət sakitliyin olduğu bildirilmişdi. Ancaq daha sonra yenidən rüşvət yığımının başladığı qeyd edilmişdi.
Sözügedən universitetdə prorektorun həbsindən sonra çox az bir zaman keçməsinə bamayaraq, yenidən universitet al-ver məkanına çevrilib.
Universitet rəhbərliyi isə, mətbuatda dərc olunan xəbərlərin dezinformasiya olduğunu inandırmaq üçün bir qrup tələbənin adından elektron ünvalara müraciətlər göndərməyə davam edir. Həmin müraciətlərdə universtetin adına xələl gətirmək üçün bəzi mətbuat orqanlarının yalan informasiya yaymaqda günahlandırılır.
Məsələylə bağlı AZXEBER.COM-un elektron ünvanına sözügedən universitet haqqında yeni informasiya daxil olub. Adını anonim saxlayan şəxs göndərdiyi məktubda universitetdə hazırda baş alıb gedən şıdırığı pul yğımı haqqında ətraflı məlumat verib:
“Lənkəran Dövlət Universitetinin müəllimi Sənan Əzizovun pul yığmasıyla bağlı xəbərlər yayılıb. Lakin mən universitetin tələbəsi kimi bilirəm ki, bu yanlış məlumatdır. Sənan Əzizovun imtahanında kafedra müdiri Balayar Şahbazov pul yığıb. Daha sonra internetdə yayılan xəbərlərdən qorxuya düşdüyü üçün öz fənninin imtahanında pul yığmaqdan qorxdu. Bundan başqa, Əsəd Nuruyev imtahandan əvvəl tələbələri imtahandan kəsməklə hədələyərək pul alıb. Müəllim Məmmədhüseyn Hüseynov isə Dövlət imtahanı üçün hər tələbədən 300 manat yığıb.”
Məktubdan da belə aydın olur ki, Lənkaran Dövlət Universitetində baş verənlər əslində insana bir təhsil ocağını deyil, daha çox “poliqon”u xatırladır.
Burada “təhsil alan” tələbələrin gələcəyi isə sözün əsl mənasında sual altındadır.
