Lənkəran Əliyev danışdı: “Emin özünü qabağa verərək, əsgərlərini qoruyub”
MARAQLI
12:12 03.11.2011
2416
“Emin Əliyev öz zabit vəzifəsini yerinə yetirərkən düşmən gülləsinə tuş gəlib”. Bu sözləri APA-ya eksklüziv açıqlamasında Silahlı Qüvvələrin Akademiyasında qərargah xidməti kafedrasının rəisi, general-mayor Lənkəran Əliyev deyib. O, qardaşı oğlunun Vətən uğrunda şəhid olduğunu bildirib: “Bildiyimə görə, Emin özünü qabağa verərək, əsgərlərini qoruyub. Bu zaman düşmənin snayper gülləsinə tuş gəlib, Vətən uğrunda şəhid olub. Bununla yalnız qürur duya bilərik”.Qeyd edək ki, noyabrın 2-də Xocavənd rayonunun Kuropatkino kəndi yaxınlığında Ermənistan Silahlı Qüvvələrinin açdığı atəş nəticəsində Azərbaycan Ordusunun leytenantı, 1986-cı il təvəllüdlü Əliyev Emin Elmar oğlu şəhid olub.
