Liviyanın yeni müvəqqəti hökumətinin rəhbərləri dünya liderlərini əmin ediblər ki, tolerant və qanunların aliliyinə hörmət edən bir cəmiyyət quracaqlar. Paris görüşündə çıxış edən Milli Keçid Şurasının rəhbəri Mustafa Abdel Cəlil 18 ay ərzində yeni konstitusiya qəbul etməyə və seçkilər keçirməyə söz verib.Görüşə sədrlik edən Fransa Prezidenti Nikola Sarkozi Liviyada "barışıq və əfv"ə ehtiyac olduğunu deyib.O, Polkovnik Müəmmar Qəddafi təhlükə olaraq qaldığı müddətdə hava hücumlarının davam edəcəyini bildirib.Cənab Sarkozi deyib ki, görüşdə iştirak edən 63 ölkədən hər biri dondurulmuş vəsaitlərin Liviya xalqına qaytarılmasının tərəfdarı olduğunu deyib.BBC müxbiri Kris Morris Parisdən xəbər verir ki, görüş simvolikdir və Qəddafinin Kral İdrisi devirən çevrilişin lideri olmasının 42-ci ildönümü ilə üst-üstə düşür.Ancaq bu, eyni zamanda MKŞ-nin dünya liderləri tərəfindən Liviyanın yeni üzü kimi qəbul edilməsinin və beynəlxalq diqqətin münaqişədən yenidənqurmaya yönəlməsini göstərən əlamətdir.Qəddafi "təslim olmayacaq"Müvəqqəti hakimiyyət Polkovnik Qəddafini hələ də tuta bilməyib.Cümə axşamı ona loyal televiziya kanalı ilə audio mesajında, Polkovnik Qəddafi heç zaman təslim olmayacağını bildirib.O, Liviya lideri olmasının 42-ci ildönümü münasibətilə radioda çıxış edib.Ötən ilə qədər onun Liviya rəhbərliyinə gəlməsi təntənəli tədbirlərlə qeyd olunurdu.
