ABŞ-ın Los-Anceles ştatı yaxınlığında başlayan meşə yanğınları Hollivud təpələrinə qədər irəliləyib.
AZXEBER.COM BAKU.WS-ə istinadən xəbər verir ki, "Sunset" adlı yanğın tarixi "Hollywood Bowl" konsert zalının yaxınlığında yerləşən Ranon Kanyon parkında, yerli vaxtla 17:30-da (Bakı vaxtı ilə 05:30) qeydə alınıb.
Qraumanın Çin Teatrı və Madam Tüsso muzeyinin ətrafında yerləşən küçələr maşınlarla dolub. Yanğını söndürmək üçün helikopterlər suları alovlanan ərazilərə boşaldır. Otel sakinləri isə təhlükəsizlik məqsədilə otelləri tərk edirlər.
Qeyd edilir ki, yanğın yanvarın 7-də Pasifik-Paliseyds sahil rayonunda, Santa-Monika və Malibu arasındakı ərazilərdə başlayıb. İndiyədək 1000-dən çox bina, əsasən yaşayış evləri, yanğından zərər çəkib. 130 min sakin təxliyə olunub və hadisənin beş qurbanı olduğu bildirilir.
ABŞ Prezidenti Cozef Bayden Kaliforniyada meşə yanğınlarının ştat tarixində ən irimiqyaslı fəlakətlərdən biri olduğunu vurğulayaraq, fövqəladə vəziyyət elan edib. Yanğının söndürülməsi üçün havadan və qurudan genişmiqyaslı əməliyyatlar davam edir.
