Amerikalı aktyor Ceyms Van Der Biik ötən gün 48 yaşında vəfat edib.
AZXEBER.COM xarici mətbuata istinadən xəbər verir ki, aktyorun ölümündən sonra, onun həyat yoldaşı və altı uşağına dəstək olmaq üçün "GoFundMe" platformasında kampaniya başladılıb.
Əvvəlcə 500 min dollar (850 000 manat) hədəfi qoyulsa da, bu məbləğ yalnız bir neçə saat ərzində toplanıb. "The Guardian"ın məlumatına görə, hazırda isə 1,1 milyon dollardan (1,8 milyon manatdan çox) çox vəsait yığılıb.
Kampaniya məlumatında qeyd olunub ki, Van Der Bikin tibbi xərcləri ailənin büdcəsini tükədib və bu ianələrin məqsədi ailəyə evlərini qorumağa, uşaqların təhsilini davam etdirməyə və belə çətin dövrdə onlara kömək etməkdir.
Xatırladaq ki, aktyor 2024-cü ilin noyabrında diaqnozunu açıqladıqdan sonra "Student Team" filmində canlandırdığı obraza aid əşyalarını hərracda satmağa başlayıb. Bunla da o, həm öz müalicəsini, həm də xərçənglə mübarizə aparan digər insanlara xərclərini qarşılamağa çalışıb.
Qeyd edək ki, Van Der Biik evli idi və 6 övladı var.
