AzXeber.com-un məlumatına görə, bu barədə Misir Apelyasiya Məhkəməsinin başçısı Zəkəriya Şalaşməlumat verib. Onun sözlərinə görə, 800-dən çox vətəndaşın ölümüylə nəticələnən hadisələrdə məsuliyyət daşıyan Mübarək edam edilə bilər. Şalaş bildirib ki, istintaq işləri gələn həftədən etibarən başlayacaq. O, məhkəmənin bir il müddətində davam edə biləcəyini də vurğulayıb.
“Əl Ərəbiyyə” telekanalına müsahibə verən Mübarək isə bildirib ki, o vətəndaşlara atəş açılması haqda əmr verməyib. Yalnız hadisələrin gedişatı ilə bağlı Daxili İşlər Naziri Həbib Əl Ədildən məlumat alıb. Əmir Əl Ədil isə atəş əmrini Mübarəkin verdiyini söyləyib.
Xatıladaq ki, Mübarəklə birgə iki oğlu Ali və Camal mövqeyindən sui-istifadə edərək haqsız qazanc əldə etmək və üsyançılara atəş edilməsi iddiaları ilə günahlandırılaraq 15 günlük nəzarətə götürülmüşdü. Lakin sabiq prezidentin səhhətində problem yarandıqdan sonra o Şarm Əl Şeyxdə bir xəstəxanaya, oradan isə hərbi xəstəxanaya yerləşdirilib.
