AZXEBER.COM portalının Day.Az-a istinadən verdiyi məlumata görə, dünyanın müxtəlif nöqtələri haqda ən geniş məlumatların yer aldığı saytlardan olan bu resursda Dağlıq Qarabağ "müstəqil dövlət" kimi göstərilib.
Saytda qondarma «DQR» Azərbaycan, Tacikistan, Rusiya və digərlərilə yanaşı, «Avrasiyanın müstəqil dövlətləri»ndən biri kimi təqdim olunur.
Timegenie.com saytında ərazi bütövlüyümüzün təhrif edilməsindən Azərbaycanın Xarici İşlər Nazirliyi də məlumatlıdır. Bunu Milli.Az xəbər portalına açıqlamasında nazirliyin mətbuat xidmətinin rəhbəri Elxan Poluxov deyib. Onun sözlərinə görə, hazırda faktla bağlı araşdırma aparılır və müvafiq cavab hazırlanır. Elxan Poluxov bildirib ki, XİN dünyanın müxtəlif internet resurslarında Azərbaycanla bağlı gedən məlumatları diqqətdə saxlayır və ehtiyac olduqda vaxtaşırı reaksiya verir. Amma onun fikrincə, belə məsələlərdə ictimaiyyət də fəal olmalı, Azərbaycan əleyhinə məlumatlara sadə vətəndaşlar da münasibət bildirməlidirlər.
