Maaşlar artdı

Bu ilin yanvar-avqust aylarında muzdla işləyənlərin orta aylıq əmək haqqı 2010-cu ilin yanvar-avqust aylarına nisbətən 9,5 faiz artaraq 354,5 manat olub. Dövlət Statistika Komitəsindən verilən məlumata görə, bu ilin yanvar-sentyabr aylarında əhalinin hər nəfərinə düşən gəlirləri keçən ilin müvafiq dövrü ilə müqayisədə 17,6 faiz artaraq 2409,9 manata çatıb. Qazanılmış gəlirlərin 65,9 faizini orta hesabla hər bir şəxs son istehlaka, 7,9 faizini vergilərin, sosial sığorta və könüllü üzvlük haqlarının ödənilməsinə, 24,4 faizini əmanətlərin və kapitalın artırılmasına sərf edib. Vergiləri və üzvlük haqlarını ödədikdən sonra hər bir nəfərin sərəncamında orta hesabla 2218,5 manat qalıb və müqayisə edilən dövrdə 19 faiz artıb.