Masallı RPŞ-nin əməliyyat işləri üzrə rəis müavini Əlifağa Kazımovun Milli.Az-a verdiyi məlumata görə, Fəramiz Abbasovun ev və həyətyanı sahəsində aparılan əməliyyat-axtarış tədbirləri zamanı həyətdə 2 bağlama aşkarlanıb. Bağlamaların birində 20 ədəd F1 əl qumabarası, həmin qumbaralar üçün nəzərdə tutulan 20 ədəd alışqan, 7 ədəd 400 qramlıq və 1 ədəd 200 qramlıq trotil şaşkası aşkarlanıb. Digər bağlamada isə 1 ədəd “Kalaşnikov” avtomatı, həmin silah üçün ümumilkdə içərisində 70 patron olan 3 ədəd sandıqça və bir ədəd “Naqan” tipli tapança aşkar edilərək götürülüb.
“Həyətə daxil olan zaman Abbasovun həyat yoldaşı əlində 1 ədəd sumka və qara polietilen sellofana bükülmüş predmeti həyətdən kənara aparmaq istəyərkən tərəfimizdən aşkar olunub. Və müvafiq sənədləşdirmə aparılıb. Araşdırmanın nəticələrindən asılı olaraq, əgər həmin cinayət əməlinin digər iştirakçıları da aşkar olunarsa, tərəfimizdən onlar haqqında da qanunamüvafiq tədbirlər həyata keçiriləcək”, - deyə rəis müavini bildirib.
Faktla bağlı araşdırma aparılır.
Qeyd edək ki, F.Zeynalov rayonda molla fəaliyyəti ilə məşgul olur.
