Maşın sürmək bakirəliyi pozur?

10 ildən sonra Səudiyyə Ərəbistanında bakirə qız qalmayacaq. Belə kəskin xəbərdarlıqla Səudiyyə Ərəbistanının ali dini şurası çıxış edib. "Əgər qadınlara sürücülük vəsiqəsinin verilməsi qadağan olunsa, bu fəlakətdən qaçmaq olar", deyə teolloqlar əhalini sakitləşdirirlər. 150 kişidən ibarət şura qadınlara sürücülük vəsiqəsinin verilib-verməyəcəyini müzakirə etmək üçün toplaşıblar. "Elmi sübutlara" əsaslanan məclis belə qərara gəlib ki, buna heç cür yol verilə bilməz. Sən demə, əgər qadınlar sürücülük vəsiqəsi alsalar, krallıq fahişəliyin kəskin artması, homoseksuallıq, pornoqrafiya və boşanmaların sayının artması təhlükəsi ilə qarşılaşa bilər. Müzakirələrin nəticəsini ictimaiyyətə təqdim edən professor Kamal Sübhi "əgər qadınlara avtomobil idarə etməyə icazə verilsə, 10 ildən sonra bizim ölkəmizdə bakirə qalmayacaq", deyə bildirib.