Maskalılar 'İrəli' İctimai Birliyinə hücum etdi - EKSKLÜZİV FOTOLAR
Bütün Xəbərlər
17:44 03.06.2013
5379
Bu gün bir qrup gənc "İrəli" İctimai Birliyinin ofisinə hücum edib. AZXEBER.COM-un məlumatına görə, günorta saatlarında 4 nəfər qara maskalı şəxs birliyin ofisini yumurta atəşinə tutub. "İrəli"dən AZXEBER.COM-a verilən məlumata görə, hücumun təşkilatçıları və səbəbi bəlli deyil.Qeyd edək ki, bu gün səhər saatlarından etibarən avtobuslarda, şəhərin əksər küçələrində Taksim hadisələriylə bağlı şüarlar yazılıb. "İrəli"yə olan hücumun da məhz bu qəbildən olduğu haqda söhbətlər gəzir. Onu da qeyd edək ki, bu gün bir qrup gənc 28 may metrostansiyası yaxınlığında və Nizami küçəsində aksiyaya cəhd göstərib. Aksiya iştirakçıları son günlər Türkiyədə baş verən olaylara və həmin aksiyanın təşkilatçılarına dəstək olduqlarını açıqlayıblar. AZXEBER.COM hücumdan fotoları təqdim edir.
