Azərbaycan Respublikası Gənclər Fondunun maliyyə dəstəyi ilə 10-cu qrand müsabiqəsinin qalibi olan Teymur Abbasovun rəhbərlik etdiyi "Mədəniyyətimizin virtual təbliği” layihəsinin bağlanış tədbiri baş tutub.

Bakı şəhəri, Nəsimi rayonu Saleh Poladi adına 159 № -li tam orta məktəbdə baş tutan layihənin bağlanış tədbirində 11-ci sinif şagirdlərinə Azərbaycan mədəniyyəti, ədəbiyyatı, adət-ənənələri, vətənpərvərlik mövzuları ətrafında geniş məlumatlar verilib.

Tədbirdə açılış sözü ilə çıxış edən layihə rəhbəri Teymur Abbasov layihə çərçivəsində görülən işlərlə şagirdləri tanış edib. O, virtual aləmdə Azərbaycan mədəniyyətinin təbliğində yetişməkdə olan gənclərin çox böyük rolu olduğunu deyib. Layihə çərçivəsində yaradılan "Mədəniyyətimizin virtual təbliği” klubunda məhz məktəb şagirdlərinin iştirakı üçün yeni imkanların da yaradıldığı qeyd edilib. Şagirdlərə bu klubun daimi üzvü olmaları üçün layihənin elektron ünvanı onların diqqətinə çatdırlıb.

T.Abbasov layihənin yekunundan sonra klub çərçivəsində gənclərin mədəniyyətimiz barədə maarifləndirilməsi və bilgiləndirilməsiüçünciddi,intensivfəaliyyət göstərəninternetresursunun da yaradılacağını da bildirib.

Layihənin bağlanış mərasimində qonaq qismində çıxış edən tanınmış jurnalist Hacıbəy Heydərli də şagirdləri sosial şəbəkələrin imkanlarından ölkəmizin təbliğatı üçün maksimum səviyyədə istifadə etməyə səsləyib. O, informasiya cəmiyyətinin formalaşmasında gənclərin böyük qüvvə təşkil etdiyini bildirib.

Sonda şagirdlərlə birlikdə xatirə fotosu çəkdirilib.