Səudiyyə Ərəbistanının Məkkə şəhəri güclü yağışlardan sonra böyük sel fəlakəti ilə üz-üzədir. Günlərlə davam edən leysan yağışlar nəticəsində küçələr və prospektlər gölə çevrilib, avtomobillər sel sularında sürüklənib.
AZXEBER.COM xəbər verir ki, bu barədə İHA məlumat yayıb.
Sel gücü yolları tamamilə su altında qoyub və qarşısına çıxan hər şeyi özü ilə aparıb. Daşan çaylar və dərələr üzərindəki körpülərdən keçən avtomobillər çətin anlar yaşayıb. Bir çox sürücü avtomobillərində köməksiz vəziyyətdə qalıb.
Qeyd edək ki, Səudiyyə Ərəbistanının bir çox bölgəsində dolu, ildırım çaxması və şiddətli yağış təsirini göstərib. Bəzi yerlərdə hətta qasırğa hadisələri də qeydə alınıb. Səudiyyə Ərəbistanı Meteorologiya İdarəsi Məkkə, Mədinə və Ciddə şəhərlərində qırmızı xəbərdarlıq elan edib.
