Azərbaycan Respublikası Elm və Təhsil Nazirliyi tərəfindən ümumtəhsil məktəblərində "Rəqəmsal bacarıqlar" və STEAM əsaslı tədris layihələrinin əhatə dairəsinin artırılması planlaşdırılır.
AZXEBER.COM xəbər verir ki, bunu elm və təhsil naziri Emin Əmrullayev 2026-2027-ci tədris ilinə dair keçirilən mətbuat konfransı zamanı deyib.
"Rəqəmsal bacarıqlar" layihəsi
Əhatə olunan məktəb sayı: 2025–2026-cı tədris ilindəki 771 məktəbdən 30% artımla 2026–2027-ci tədris ilində 1 001 məktəbə çatdırılır.
Şagird sayı: 528 mindən 630 mindən çox nəfərə yüksələcək.
Məqsəd: İKT bacarıqları, rəqəmsal savadlılıq və informasiya texnologiyaları sahəsində şagirdlərin biliklərini artırmaq.
STEAM əsaslı tədris (III–IX siniflər)
Əhatə olunan məktəb sayı: 2025–2026-cı tədris ilindəki 407 məktəbdən 38% artımla 2026–2027-ci tədris ilində 563 məktəbə çatdırılır.
Şagird sayı: 303 403-dən 312 197 nəfərə yüksələcək.
