Daha əvvəl böyrək transplantasiyası keçirmiş 51 yaşlı xəstədə ciddiürək şikayətləri başlamışdır. Başqa klinikada aparılan müayinələrin nəticəsində xəstənin həm ürəyinin tac damarlarında, həm də ikitaylı (mitral) qapağında ciddi problem olduğu və cərrrahi müdaxiləyə ehtiyac olduğu aşkarlanmışdır.
Cərrahi əməliyyat üçün klinikamıza müraciət edən xəstənin üzərində T.e.n Dr.Kamran Musayev tərəfindən açıq ürək əməliyyatı aparılmışdır. Bu günlərdəevə yazılacaqxəstə haqqındaməlumat verən T.e.n. Dr.Kamran Musayev xəstədə “iki tac damarına aorta koronar şuntlama və mitral qapağın təmiri” əməliyyatı aparıldığınıqeyd etmişdir.“Daha əvvəl böyrək transplantasiyasıkeçirmiş xəstələrdə açıqürək əməliyyatlarının bir çox xüsusiyyətləri var və bu əməliyyatlar ancaq təcrübəli mərkəzlərdə aparıla bilir. Xəstənin köçürülmüş böyrəyini qorumaq üçün əməliyyat zamanı və əməliyyatdan sonrakı dövrdə xüsusi tədbirlər görülür. Eyni zamanda həm koronar şuntlama, həm də qapağını təmir etdiyimiz bu əməliyyat çox uğurlu keçmişdir. Hal-hazırda xəstənin vəziyyəti tam normaldır. Bu günlərdə xəstəni evə yazmağı planlaşdırırıq” deyə Dr.Kamran Musayev əlavə etmişdir.
