Rusiyanın "Qoluqa” həbsxanasında cəza çəkən kriminal avtoritetlər bərdəli Ruslan və Dadaş Nəzərli qardaşlarının Azərbaycana ekstadisiyası gözlənilir.
AZXEBER.COM a24.az-a istinadən xəbər verir ki, Ruslan Nəzərli qanunsuz silahlı qruplaşma yaratmaqda, dövlət məmuruna qarşı zorakılıqda və quldurluqda ittiham olunur. Onun cəza çəkmə müddəti isə 10 il yarım müddətə müəyyən edilib.
Qardaşı Dadaş Nəzərli isə qanunsuz silahlı birləşmə yaratmaqla və quldurluqla ittiham olunur. Dadaş Nəzərlinin hökmü isə qardaşından bir il daha çox müddətə- 11 il yarım müddətinə oxunub.
Rusiyada hal-hazırda cəza çəkən qardaşların ekstradisiyası üçün Azərbaycan tərəfi ilə Rusiya arasında danışıqlıqlar nəticələnib.
Qeyd edək ki, ekstrimal hal olmadığı müddətcə, ömürlük azadlıqdan məhrum etmə və ölüm hökmü oxunması halları istisna olmaqla digər Dövlətlərdə olan ölkə vətəndaşlarının yerli cəzaçəkmə müəsisələrinə yerləşdirilməsi üçün qaytarılma cəhdləri Beynəlxalq Hüquq Normalarına görə də əsasən müsbət nəticələr verir.
