“Barselona”nın ulduz futbolçusu Lionel Messi yeni rekorda imza atıb.
AZXEBER.COM-un məlumatına görə, argentinalı futbolçu Çempionlar Liqasının qrup mərhələsinin ilk oyununda “Ayaks”ın qapısından 3 top keçirməklər tarixə düşüb.
Belə ki, bu, Messinin ÇL-də 4-cü het-triki olub. “Qızıl top”un dördqat sahibi bu göstəriciyə görə hamını qabaqlayır. Artıq karyerasını başa vurmuş Filippo İnzaqi və hazırda “Fiorentina”nın şərəfini qoruyan Mario Qomez 3 dəfə bu uğura imza atıb.
Bundan başqa, Leo Çempionlar Liqasındakı qollarının sayını 62-yə çatdırıb. Mütləq rekordçu Raul Qonzalesin hesabında isə 71 qol var.
