Bu gün Bakı metrosunda "Bakı kart”ın QR-la ödəniş sistemində çətinlik müşahidə olunub.
Bu barədə AZXEBER.COM-a "Bakı Metropoliteni” QSC-dən məlumat verilib.
"Problemin həlli istiqamətində aidiyyəti qurumlar tərəfindən işlər aparılıb və qısa müddətdə aradan qaldırılıb”, - deyə məlumatda bildirilib.
Bir daha xatırladaq ki, bu gün səhər saatlarından Bakı metrosunda "Bakı kart”ın QR sistemi vasitəsilə ödənişlərdə çətinlik yaşanıb. Bu səbəblə bir sıra metro-stansiyalarda turniketlərin qarşısında sərnişin sıxlığı müşahidə edilib.
