Müğənni Mina Hüseyn "MTV maqazin" verilişində həyat yoldaşı, iş adamı Sərxan Həsənovdan rəsmi boşanma tarixini açıqlayıb.
AZXEBER.COM xəbər verir ki, Mina Hüseyn bu sözləri deyib:
"Noyabrın 17-də rəsmi boşanmağımla bağlı məhkəmə prosesi baş tutacaq. Sənəd imzalayıb boşanma kağızını götürəcəm. Hər şey bitdi və Allah hər kəsin yolunu açıq eləsin. Məncə, hər kəs özünə yaraşanı etdi. Çox istərdim ki, ailəm olsun, ailə mənim üçün müqəddəsdir. Təəssüf ki, ailə xəyallarımda, o isə yalanları ilə yadda qaldı. Qarşı tərəflə üz-üzə gəlmək istəmirəm. Onu görmək istəmirəm".
"Ona qarşı sevgi hissləriniz qalıbmı" sualına müğənni belə cavab verib: "Mənə yaşatdıqlarını yada salmaq istəmirəm. Çox fədakarlıqlar etdim, bağışladım. Hər şeyə öz qəlbim və saflığımla yanaşdım. Amma qismət belə imiş".
Müğənni ailəsinin ona dəstəyindən də danışıb: "Tək deyiləm, ailəm yanımdadır".
Mina Hüseyn ikinci dəfə ailə qurmaq istəyini dilə gətirib: "İkinci dəfə ailə qurmaq istəyərəm. Heç istəməzdim ki, ilk bəxtim belə gətirsin. Bu qədər oyunlara düşdüm. Elə bir insan qarşıma çıxa bilər ki, mənə hər şeyi unutdursun. Hamilə olsaydım, uşağıma görə ayrılmazdım. Övladımıza görə ailəmi qoruyardım və münasibətimizin davamı üçün çalışardım.
Əslində, uşağım olmasa da münasibətimizi qorumağa çalışırdım. Amma alınmadı. İnsanı dəyişmək mümkün deyil".
