“Beşyaşlı qızını aksiyaya çıxaran “Həyat”ın macəraları” başlıqlı yazıda iddia olunur ki, guya Gülnarə Quluzadə bir çox adamı aldadıb, habelə Nəsimi rayonu ərazisində yerləşən “Korel” barının “Həyat” ləqəbli daimi müştərisidir.
Yazıda G.Quluzadənin 1977-ci ildə Sabirabad rayonunda anadan olduğu və Bayıl qəsəbəsi Bəhlulzadə küçəsi ev 39, mənzil 312-də qeydiyyatda olduğu, amma çoxlu borcuna görə evini kirayə verərək özünün Yasamal rayonunda kirayədə yaşadığı və onun çoxlu insanı aldatdığı qeyd olunur. Həmçinin materialda onun həyat yoldaşının məhkum həyatı yaşadığı da yazılıb. Qadının borcu olan adamların əlindən xarici ölkələrdə sığınacaq almaq üçün aksiyaya çıxdığı iddia olunur. Həm də guya bütün bu detallı məlumatları Sevda Vəliyeva ad-soyadlı bir xanım bu qəzetə ötürüb.
Ancaq “Yeni Müsavat” qəzeti apardığı araşdırma nəticəsində “Mərkəz” qəzetinə məlumat verən Sevda Vəliyevanın haqqında ilginc məlumat əldə edib. Məlumata görə, Daxili İşlər Nazirliyi yanında İnsan Alverinə Qarşı Mübarizə İdarəsi əməkdaşları 10.11.2006-cı il tarixində əməliyyat tədbiri həyata keçirib. Bu əməliyyat tədbirləri nəticəsində, Bakı şəhər sakini, 1968-ci il təvəllüdlü Sevda Vəliyeva insan alveri ilə məşğul olaraq, qadınları Pakistana apararaq cinsi istismara məruz qoyduğuna görə tutulub. İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində, Nizami rayonu ərazisindəki “EvroStil” restoran-saunanın inzibatçısı, Xırdalan qəsəbə sakini Vidadi Şirinov və oranın xörəkpaylayanı Naftalan şəhər sakini Abuzər İmanquliyevin həmin restoran-saunada əxlaqsızlıq yuvası təşkil etdiklərinə görə həbs ediliblər. Əldə etdiyimiz bu informasiya hazırda da Daxili İşlər Nazirliyinin rəsmi saytında var.
/// Yeni Musavat
