Ökəmizdə nağdsız ödənişlərin inkişafına və innovasiyalara böyük diqqət ayıran Bank Respublika, müştərilərinə yeni "Digital Card” məhsulunu təqdim etdi.
AZXEBER.COM xəbər verir ki, "Digital Card” – "Bank Respublika”nın Mobil Şöbə mobil əlavəsi üzərindən ani şəkildə aktivləşdirilən, mal və xidmətlərin dəyərinin İnternet və NFC xidməti vasitəsilə ödənilməsi üçün nəzərdə tutulan VISA kartıdır. Artıq həm bankın müştəriləri, həmçinin Mobil şöbə əlavəsinin istənilən istifadəçiləri banka getmədən, vaxt itirmədən bir toxunuşla və PULSUZ olaraq Bank Respublikanın Digital Card sahibi ola biləcəklər.
Bu kart üzrə rekvizitləri müştərilər birbaşa olaraq və tam təhlükəsiz şəkildə Mobil Şöbə üzərindən əldə edə və müxtəlif İnternet saytlarında bütün ödənişlərini rahatlıqla apara biləcəklər. Yeni kart – tam olaraq rəqəmsal kartdır və fiziki plastik üzərində çap olunmur. Qeyd edək ki, hal-hazırda kart AZN valyutasında və heç bir xidmət haqqı tutulmadan 1 il müddətinə istifadəyə buraxılır.
Bundan əlavə Azərbaycanda ilk dəfə olaraq müştərilər Mobil Şöbə vasitəsilə Digital Card üçün xüsusi təqdim olunan kataloqdan istədikləri dizaynı seçib öz zövqlərinə uyğun kart görünüşünü təyin edə biləcəklər. Kartın bir əlavə üstünlüyü də odur ki, aktiv olunandan dərhal sonra, onu NFC xidmətinə qoşaraq smartfon vasitəsilə ödəmələrdə də ondan istifadə etmək mümkün olacaqdır. (NFC-ni dəstəkləyən Android cihazlarında)
Vaxt itirmədən Mobil Şöbə əlavəsini yükləyin, öz zövqünüzə uyğun dizaynda rəqəmsal kart sahibi olun! Bank Respublikanın Mobil Şöbə əlavəsini həm PlayMarket, həm də AppStore-dan yükləmək mümkündür.
Bank Respublika 1992-ci ildə yaradılıb və Azərbaycanın aparıcı beş bankından biridir. Bankın səhmdarları arasında Almaniyanın ən böyük maliyyə qurumları - DEG İnvestisiya Korporasiyası (KfW və SIDT bank qrupunun üzvü) və Sparkassen International Development Trust (Sparkassen-Finanzgruppe maliyyə qrupunun üzvü) var.
Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz
