Milli Məclis tərəfindən mollaların fəaliyyətinin lisenziyalaşdırılması təklif olunur. Belə olan halda onların dövlətə vergi ödəyib-ödəməmsi məsələsi də gündəmə gələ bilər.
AZXEBER.COM ans tv-yə istinadən xəbər verir ki, məqsəd mollaların işlərinin aydın bir şəkildə müəyyən olunmasıdır. Lisenziyalaşma olanda mollaların gəliri qeydiyyata alınacaq. Bu qeydiyyatla vergi vermələri məsələsi də həllini tapacaq.
Millət vəkili Musa Quliyev hesab edir ki, mollalıqla məşğul olanlar bu işdən pul qazanırsa, bunun əvəzində Dövlət Sosial Müdafiə Fonduna vergi ödəməlidirlər. Sosial sığorta haqqı ödəməklə gələcək təqaüdlərini təmin edə bilərlər. Yaxşı olar ki, yası olan şəxs, həmin mollanın fəaliyyət göstərdiyi dini qurumla, yaxud da məscidlə müqavilə bağlasın və vəsaiti ora ödəsin.
Musa Quliyev qeyd edir ki, onların gəlirlərinə diqqət olunmalı, eyni zamanda da mollalar savadlı olmalı, işlərinin daha yaxşı bilməlidirlər.
Elə din xadimləri də belə bir təklifin qəbul olunmasını müsbət hal kimi qiymətləndirdilər.
Dünən həmçinin Qafqaz Müsəlmanları İdarəsində din xadimləri üçün hazırlanan vahid geyimlərin təqdimatı da keçirilib. İlk vahid geyimlər Qafqaz Müsəlmanları İdarəsinin təşkil etdiyi dindarların təkmillərşdirilməsi kurslarının müdavimlərinə təqdim olunub.
