19 fevral tarixində saat 14:00-da tanınmış rejissor Samir Kərəmoğlu Azərbaycan Tədris Akademiyasında (A.S.A) qonaq olub. “Art School”un nəzdində keçirilən görüşdə gənc jurnalistlərlə görüşən “Mən evə qayıdıram”, “Niyyət” filmlərinin rejissoru Samir Kərimoğlu onlarla səmimi söhbətər edib.
Samir Kərimoğlu A.S.A-da gənclərlə görüşü zamanı, onlarla maraqlı dialoqlar quraraq bu günkü Azərbaycan kinosunun vəziyyəti və kinonun gələcəyi ilə bağlı fikir mübadiləsi aparıb.
Tanınmış rejissor A.S.A-da olarkən AZXEBER.COM-un da suallarını cavablandırıb.
-Samir bəy, ASA-da gənclərlə bir arada olmaq gənc rejissor üçün necə bir duyğudur? Mənim üçün burada olmaq ço x xoş idi. Həqiqətən, gənclərin fikirləri və onların kinoya olan baxışları mənim üçün çox maraqlı idi. ASA rəhbərliyinə təşəkkür edirəm ki, mənə bu cür şərait yaratdı. -Yadınızdadırsa, sizdən bir dəfə kinostudiyanın qarşısındakı çayxanada müsahibə almışdım. Bəli, yadımdadır. Əslində, elə də uzun bir müddət keçməyib üstündən. Səhv etmirəmsə, müsahibə teatr festivalı ilə bağlı idi. -Samir bəy, axırıncı müsahibəmizdən bu günə kimi nə işlər gördünüz? Filmlərin və reklam çarxlarının çəkilişlərini həyata keçirirdik. Bu gün isə yeni layihəmiz başlayıb. “Bakı, mən səni sevirəm” kinolayihəsi artıq başlamaq üzrədir. Hazırda bu layihə üzərində işləyirik. Layihə Heydər Əliyev Fondunun dəstəyi ilə keçirilir. -Bu layihənin “Eurovision 2012” ilə bağlılığı varmı? Xeyr, heç bir bağlılığı yoxdur. Qeyd edim ki, layihənin rəhbəri Heydər Əliyev Fondunu vitse-prezidenti Leyla Əliyeva, prodüserləri Yeqor Konçalovski, Nadir Maçanov, Aleksey Qolubevdir. Bu kinolayihə Azərbaycanı tanıtmaq üçün keçirilən bir layihədir. Layihə çərçivəsində 10 ssenari iştirak edir. Burada 5 azərbaycanlı, 5 əcnəbi rejissor iştirak edəcək.. -Layihədə daha kimlər iştirak edəcək? Hələ ki hazırlıqlar gedir. Daha dəqiq məlumat olmasa da, dünya ulduzları ilə danışdıq. Monika Beluççi Bakıda filmdə çəkilə bilər. Ancaq hələ ki bu dəqiq deyil. -Samir bəy, istərdim bir az bu layihənin təsirindən çıxaq. Bugünkü Azərbaycan kinosunda, sizcə, nə dəyişikliklər baş verir? Mən bügünkü kinomuzun vəziyyətini qənaətbəxş hesab edirəm. Hələ ki biz hazırlıq mərhələsindəyik. Amma çox yaxın zamanda bizim kinomuz da öz sözünü daha güclü deməyə nail olacaq. Bizim filmlərimiz bu gün beynəlxalq festivallarda təmsil olunur. Bu da bir uğurdur. -Bəs nəyə görə Azərbaycan istehsalı olan filmlərin bir çoxu rus dilində olur? Bu faktlarla tez-tez qarşılaşırıq. Mən öz filmimdən deyə bilərəm ki, “Mən evə qayıdıram” filminin 80%-i rus dilindədir. Bunun səbəbi isə hadisələrin 1992-ci ildə baş verməsi və hadisələrin rus kazarmasında cərayan etməsidir. Siz təsəvvür edin ki, rus zabiti Azərbaycan dilində danışır. Bu, tamaşaçıya heç də real görünməz. “Apokalipsis”də aktyorlara 6 ay maya dilini öyrədiblər. Siz təsəvvür edin ki, filmdə hər hansı bir mayalı ingilis dilində danışır. Bu heç də tamaşaçı üçün real deyil.
Sizcə Azərbaycanda çəkilən seriallar nəyə görə, tamaşaçı zövqünü oxşaya bilmir?
Mən deyrədim ki, hazırda Azərbaycan kinosu hazırlıq mərhələsindədir. Ona görə hazırda çəkilən seriallarla Türkiyədə çəkilən serialları müqayisə etmək lazım deyil. Hər halda bizim də seriallarımızın öz sözünü deyəcəyi vaxt gəlib çatacaq.
-Təşəkkür edirik müsahibəyə görə.
Sağ olun
Ünvan: Bakı şəhəri,
A.Gəraybəyli küçəsi, 37A
(Ayna Sultanova heykəlinin yaxınlığında)
Tel.: (012) 562 36 39
Mob.: (070) 399 36 39
E-poçt : [email protected]/* */web-sayt: www.asa.edu.az
