MTRŞ-nın Ekspertiza, Proqramlaşdırma və Analitik şöbəsinin müdiri Təvəkkül Dadaşov hüquqşünas Ələsgər Məmmədlinin aparıcıların reklamlarda çəkilməsi ilə bağlı verdiyi açıqlamaya münasibət bildirib.
Təvəkkül Dadaşov “facebook”da məsələyə aydınlıq gətirib:
“Hüquqşunas Ələsgər Məmmədliyə istinadən kulis.az -yazır ki, “Teleradio yayımı haqqında” qanuna görə, xəbər aparıcıları reklama çəkilə bilməz.
Əslində bu, “Teleradio yayımı haqqında” qanunda yox, “İctimai televiziya və radio yayımı haqqında” qanundadır (14.3-cü maddə). Yəni, yalnız İctimai radio və TV-nin efirində xəbər aparıcılarının iştirakı ilə reklam çarxları yayımlana bilməz. Digər teleradio kanallarının efirində belə reklamın yayımlanmasını qanun qadağan etmir”.
