Azərbaycanda ilk dəfə həm İsrail, həm də Fələstin ərazisindən ən son hadisələri əks etdirən sənədli film təqdim olunacaq.
AZXEBER.COM xəbər verir ki, "Müqəddəs müharibə paradoksu” sənədli filminin müəllifi Vəfa Ağabalayeva İsrail-Həmas müharibəsi başlayan ilk gündən etibarən hadisələrin baş verdiyi sıfır nöqtəyə yollanaraq, Azərbaycan izləyicisinə canlı yayımlar vasitəsi ilə təhlükəli ərazilərdən ən son məlumatları çatdırırdı.
Eyni zamanda müəllif çəkiliş komandasıyla birgə Həmasın nəzarətində olan və keçidinə qadağa qoyulan ərazilərə daxil olmağı bacarıb. Çəkilişlər zamanı həyatı təhlükəyə baxmayaraq eksklüziv görüntülər əldə edən filmin komandası raket hücumlarına da məruz qalıb. Həm fələstin xalqının, həm israil xalqının istəkləri, tələbləri və etirazları ilk dəfə olaraq məhz bu sənədli filmdə izləyicilərə təqdim olunacaq.
Qeyd edək ki, ssenari müəllifi və rejissoru Vəfa Ağabalayeva olan "Müqəddəs müharibə paradoksu” sənədli filmi tezliklə Real TV-də yayımlanacaq.
Aysel
