Bütün dünyada aprel ayı autizmdən xəbərdarlıq ayı kimi qeyd olunur.
AZXEBER.COM Türkiyə mətbuatına istinadən xəbər verir ki, uşaq və yeniyetmə psixiatrı Prof. Dr. Sevcan Karakoç autizmlə bağlı vacib məlumatlar paylaşıb.
Autizmli uşaqları neyromüxtəliflik anlayışı çərçivəsində qiymətləndirdiklərini ifadə edən Prof. Dr. Sevcan Karakoç, autizmi belə izah edib: "İnkişaf edən bir beyin fərqliliyidir və insanların sosial və emosional sahədə çətinlik çəkdikləri, həmyaşıdları ilə əlaqə qura bilmədikləri və bəzi obsesif xüsusi maraqlara fokuslanmağa meylli olduqları müşahidə edilir".
Autizmə daha çox kişilərdə rast gəlindiyini bildirən professor bunun anadangəlmə genetik beyin xəstəliyi olduğunu da bildirib:
"Autizmin analıq və ya peyvəndlə bir əlaqəsi yoxdur. Bu, anadangəlmə genetik beyin xəstəliyidir, lakin bəzi uşaqlarda 1 yaşından əvvəl simptomlar göründüyü halda, bəzi uşaqlarda 18-24 aydan sonra simptomlar görünə bilər. Heç bir peyvənd və ya xüsusi dərman müalicəsi yoxdur” deyən həkim, buna görə də ailələrin çarəsiz vəziyyətdə qaldığını bildirir. Buna görə də alternativ müalicə üsullarına cəhd edilir. Bu vaxt və pul itkisidir. Uşaqda autizm riski aşkar edildikdə, gecikmədən fərdi təhsil proqramına başlanılmalıdır. "Bütün uşaqlar inkişafı izləmək üçün uşaq psixiatrı ilə yanaşı, uşaq həkiminə də müraciət etməlidirlər".
Autizmin təyin olunduğu illərdən bəri tezliyinin artdığını ifadə edən Karakoç 50 ildən sonra hər 2 uşaqdan birinin autizm ola biləcəyini deyib: "Hazırda autizm hər 36 uşaqdan 1-i olaraq təyin olunur, lakin bu eksponent artım davam edərsə, 50 ildən sonra hər 2 uşaqdan 1-i autizm ola bilər".
Gülay
