Tanınmış bədii qiraətçi, professor, Əməkdar müəllim Nadir Hüseynov vəfat edib.
Bu barədə APA-ya aktyor Nofəl Vəliyev məlumat verib.
Onun sözlərinə görə, Nadir Hüseynovun sükan arxasında ürəyi, daha sonra avtomobil idarəetmədən çıxaraq maneəyə çırpılıb.
Qeyd edək ki, o, 1952-ci ildə Neftçala rayonunun Qırmızıkənd kəndində anadan olub. M. Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib.
1975-ci ildə Leninqradda keçirilən ümumittifaq bədii qiraətçilər müsabiqəsinin diplomantı olub. Sonrakı illərdə N. Hüseynov müxtəlif televiziya verilişlərinin, yubileylərin və tədbirlərin aparıcısı kimi çıxış edib. Xüsusilə Azərbaycan Dövlət Televiziyasında yayımlanan "Ozan” folklor toplusu verilişinin aparıcısı kimi tanınıb.
O, uzun illərdir Azərbaycan Dövlət Mədəniyyət və İncəsənət Universitetində "Səhnə danışığı” fənnini tədris edirdi.
Allah rəhmət eləsin.
