Xəbər verdiyimiz kimi, dünən sosial şəbəkədə məşhurlaşan qaraçı qızlar həbs olunub.
Həbs olunan qızlar mağazadan oğurluq ediblər
Bu hadisədən sonra bəzi sosial şəbəkə istifadəçiləri o qızları cəmiyyətə tanıdan bloger Nail Kəmərlini tənqid ediblər.
Nail Kəmərli AZXEBER.COM-a açıqlamasında qaraçı qızların həbs olunmasında niyə qınanıldığını bilmədiyini qeyd edib:
"Məni qınayanları başa düşə bilmirəm. Mən bir bloger, jurnalist kimi iki gənc qızın həyatını çəkib-göstərmişəm. Burda mən qınanılası nə etmişəm ki?. Paylaşım etmişik, bu da izləyicilər tərəfindən baxılıb. Kadrlar müəyyən müzakirələrə səbəb olub, kimsə sevib, bəziləri də sevməyib. Burda mənlik nə var?
Nail Kəmərli qızların əməlindən xəbərdar olduğunu və dəfələrlə bu işlə məşğul olmamaları haqda danışıq apardığını deyib:
"Onların əməllərindən xəbərim var idi. Bilirdim ki, əvvəllər oğurluqla məşğul olublar. Dilənçidirlər, küçə həyatı yaşayıblar. Ancaq mən onları tanıyandan sonra dəfələrlə onlara tapşırıb, maarifləndirmişəm ki, bu işlərlə məşğul olmayın. Bildirmişəm ki, insanlar artıq sizi tanıyır, qoy indi yaxşı tərəfdən tanısınlar. Pis vərdişləriniz keçmiş zamanda qalsın".
Günel Hüseynli
