“Saxta diplomlarla bağlı işlər davam etdiriləcək. Birmənalı olaraq o fikirdəyik ki, saxta diplomlarla işləmək olmaz”.
APA-nın xəbərinə görə, bunu təhsil naziri Misir Mərdanov deyib. Nazir bildirib ki, saxtalığı bəlli olan diplom sahibləri harada işləmələrindən asılı olmayaraq, işdən uzaqlaşdırılacaqlar: “Saxta diplomlarla bağlı günahı olan bütün şəxslər isə öz cəzalarını alacaqlar”. Qeyd edək ki, indiyə kimi aparılan araşdırmalar nəticəsində Azərbaycanda saxta diplomla işləyən 455 müəllim aşkarlanıb və onların hamısı işdən çıxarılıb.
