"Azərbaycan mədəniyyətinə, ədəbiyyatına ağır itki üz verdi. Sözün əsl mənasında yeri dolmayacaq. Allah rəhmət etsin!".
Bu fikirləri AZXEBER.COM-a açıqlamasında mərhum Xalq yazıçısı Elçin Əfəndiyevin vida mərasimində iştirak edən rejissor Nicat Kazımov deyib.
Rejissor bildirib ki, mərhum yazıçı ilə daim ünsiyyətdə olublar:
"Şəxsən Elçin müəllimi tanıyırdım. Necə gözəl bir insan olduğu hamımızın xatirəsində yaşayacaq. Onun bu teatrda 4 əsəri tamaşaya qoyulub. Onların üçündə mən aktyor kimi iştirak etmişəm. Hər dəfə onunla danışmaq dərya kimi hiss idi. Allah doğmalarına, yaxınlarına, Azərbaycan ədəbiyyatının simalarına səbr versin".
Mikayıl Mirzəzadə
