Norveçdə ABŞ-nin komandanlığı altında NATO-nun "Swift Response” təlimləri başlayıb.
Bu barədə Norveç yayım korporasiyası NRK məlumat yayıb.
Norveçlə yanaşı İsveç, Finlandiya, Latviya və Litvada keçiriləcək təlimlər çərçivəsində beş hava-desant əməliyyatı həyata keçiriləcək.
Təlimlərdə 4,1 min amerikalı hərbçi və NATO-nun 14 ölkəsindən 1,9 min hərbçi iştirak edir.
ABŞ tərəfindən təlimlərdə ölkənin kontinental hissəsindən köçürülmüş 82-ci hava-desant diviziyasının 3-cü briqadasının bölmələri iştirak edir.
Manevrin məqsədi alyans qüvvələrinin hazırlığını, Şimali Avropa və Baltik bölgələrində sürətli yerləşdirmə qabiliyyətini gücləndirməkdir.
\report
