Oğlunun meyitini axtaran ata sevindirici xəbər aldı
MARAQLI
23:17 01.11.2011
2177
Türkiyənin Van bölgəsində baş verən dağıdıcı zəlzələdən sonra yeni möcuzə barədə xəbər yayılıb. Oğlunun meyitini axtaran ata sevindirici xəbər alıb. Oğlunun sağ olduğu xəbəri Van sakinini Qurban bayramına bir həftə qalmış qurban kəsməyə sövq edib.Van zəlzələsindən sarsılan Türkiyədə hələ də ölümdən can qurtaran insanlar və ailələrin sevinci barədə məlumat yayılır. Zəlzələdən keçən 8 gün ərzində 9 yaşlı oğlunun ölüsünü dağıntılar altında axtaran Bedrettin İşbarana oğlunun xilas edildiyi və xəstəxanaya yerləşdirildiyi barədə məlumat verilib.B. İşbaran bildirib ki, zəlzələdən sonra həyat yoldaşı ona oğullarının itdiyni deyib: “Biz də Erçiş mərkəzində oğlumu axtardıq. Böhran mərkəzinə getdim və xəstəxana ölüxanalarını gəzdim. Ən azı 100-200 meyitin üzünə baxdım və oğlumu tapmağa çalışdım. Nə etdimsə, tapa bilmədim. Bütün dağıntıların altını belə gəzdim. Böyük oğlum gəlib mənə bu xoş xəbəri dedi. Oğlumun Vandakı xəstəxanada olduğunu dedi. Onu görəndə, çox sevindim. Oğlum mənə ata harada idiniz deyib”.
