Ülviyyə Namazova sosial şəbəkədə özünü düşmən kimi göstərib, həyatda dost olan məşhur müğənniləri ifşa edib.
AZXEBER.COM xəbər verir ki, sənətçi bu haqda "Gün ortası" verilişində danışıb.
O, şahidi olduğu hadisəni danışaraq sosial mediada olan davaları reklam adlandırıb:
"Bu yaxınlarda özüm bir şeyin şahidi oldum. Efirlərdə və sosial şəbəkədə bir-biri ilə dalaşan iki müğənni, kənarda imam övladı sifətini allırlar. Elə bil ki, dalaşan bunlar deyil, başqasıdı. Hətta mənim yanımda o küsülü görünən iki xanımı eyni toya dəvət elədilər. Yaşca balaca olan ifaçı da dedi ki, olsun da biz onunla dostuq və təklifi qəbul elədi. O qədər heyrətləndim ki, əlim üzümdə qaldım. Axı bunlar efirdə bir-birilərini "qırırlar". Belə çıxır ki, onlar davaları reytinq üçün, toya dəvət almaq üçün, bax belə insanların diqqətini çəkmək üçün edirlər. Onların davaları da reklamdır”.
Aysel
