Gənc müğənni Yaşar Cəlilov “Film kimi" mahnısına çəkilən klipini təqdim edib. AZXEBER.COM-un məlumatına görə, sözləri Elçin Cəfərova məxsus mahnının bəstəkarı Tərlan Məmmədhüseynovdur. Y.Cəlilov “Film kimi”nin 10-cu klip olduğunu bildirib: “Mahnını eşidən kimi çox xoşuma gəldi. Heç kimin məsləhti olmadan bu mahnını repertuarıma saldım. Bir çox mahnıların olmasına baxmayaraq, məhz özüm bu mahnıya klip çəkilməsini istədim”. Ekran işinə rejissor Ceyhun Kərimov quruluş verib. Klipin operatoru Anar Məmmədovdur, stilisti Azər Aslandır. Nakam məhəbbətdən bəhs edən klipin süjet xətti ayrı düşən sevgililər üzərində qurulub. Klipdə Yaşarın tərəf müqabili Leyla Şirinovadır. Müğənni kliplə həyatındakı bəzi məqamların üst-üstə düşməyini də gizlətmədi: “Klipin süjet xəttini çox bəyəndim. Öz həyatımda da “Film kimi” sevgi yaşamışam”.Klipin ərsəyə gəlməsində tanınmış teleaparıcı, Muz TV-nin icraçı direktoru Vüsalə Kərimova və müğəninin meneceri Natiq Ağayev də iştirak edib. Qeyd edək ki, V.Kərimova Y.Cəlilovun layihələrinin prodüseri və təşkilatçısıdır. O, bu yaxınlarda yeni bir layihə ilə tamaşaçıların qarşısına çıxacaqlarını bildirib: “Yaşarın yaradıcılığında hər zaman yeniliklər etməyə çalışırıq. Ötən il bu yöndə səmərəli çalışdıq. Müğənninin ən əsas işi isə böyük bir səhnəyə çıxıb tamaşaçılarını başına toplamaqdır. Ona görə də ən böyük layihəmiz Yaşarın solo-konsert proqramı olacaq. Hazırda bu işin hazırlıq prosesi gedir”. Yeni klipi izləyin:
