'Orada evləri dağılan, yeməksiz və paltarsız qalan azərbaycanlılar çoxdur'
Bütün Xəbərlər
20:03 09.07.2012
1599
Azxeber.com-un APA-ya istinadən verdiyi məlumata görə, bu barədə Krasnodar vilayəti üzrə Azərbaycan diasporunun üzvü Şahlar Novruzov açıqlama verib. O qeyd edib ki, bu gün fəlakət bölgəsində zərərçəkən soydaşlarımıza 200 min ABŞ dolları məbləğində yardım aparılıb: “Hazırda biz fəlakət bölgəsində soydaşlarımızla bağlı araşdırma aparırıq. Bizdə olan məlumatlara görə, zərərçəkənlər arasında evləri dağılan, yeməksiz və paltarsız qalan soydaşlarımız çoxdur. Azərbaycan diasporu onlara zəruri yardım göstərəcək. Son məlumatlara əsasən, hələlik fəlakət nəticəsində soydaşlarımızdan ölən və xəsarət alan olmayıb”. Qeyd edək ki, Krasnodar diyarında baş verən daşqınlarda 200 nəfərə yaxın insan ölüb. Təbii fəlakətlə əlaqədar Azərbaycan prezidenti İlham Əliyev rusiyalı həmkarı Vladimir Putinə başsağlığı verib. Bundan başqa İ. Əliyevin tapşırığı ilə Fövqəladə Hallar Nazirliyinin 22 maşından ibarət humanitar yardım karvanı Krasnodara yola salınıb.
