Rusiya Prezident Administrasiyası rəhbərinin müavini Maksim Oreşkin ölkəsinin sanksiyalarla bağlı yalnız müdafiəyə əsaslanan yanaşmadan uzaqlaşdığını və daha fəal strategiyaya keçəcəyini bildirib.
AZXEBER.COM xarici KİV-ə istinadən xəbər verir ki, Oreşkin bu barədə St. Petersburg International Economic Forum çərçivəsində keçirilən sessiyada çıxışı zamanı danışıb.
Dünya iqtisadiyyatının dəyişiklik mərhələsindən keçdiyini qeyd edən Oreşkin sanksiyalar siyasətində hər hansı yumşalma və ya geri dönüş gözləmədiklərini vurğulayıb.
"Bu səbəbdən sanksiyalarla bağlı nəyinsə dəyişəcəyini və ya əvvəlki vəziyyətə qayıdacağını gözləmək lazım deyil. Nə geri dönüş olacaq, nə də dəyişiklik", – deyə o bildirib.
Oreşkin qeyd edib ki, Rusiya artıq sanksiyalara yalnız reaksiya verən yanaşmanı geridə qoymalıdır. Onun sözlərinə görə, ölkə 2022-2023-cü illərdə sanksiyalar qarşısında tam müdafiə modelinə üstünlük versə də, hazırda daha balanslı strategiyaya keçid edir.
Rusiya rəsmisi əlavə edib ki, ölkə xarici bazarlarda daha fəal fəaliyyət göstərməli və bu istiqamətdə addımlarını sürətləndirməlidir.
"Sanksiyalara qarşı müdafiə və hücum arasındakı balans artıq daha çox hücum istiqamətinə doğru dəyişəcək", – deyə Oreşkin vurğulayıb.
Gülay
