Azərbaycan Milli Elmlər Akademiyasının Geologiya İnstitutunun əməkdaşları ölkə ərazisində palçıq vulkanlarının monitorinqini keçirib.
AZXEBER.COM-un məlumatına görə, sentyabr ayında Lökbatan ərazisində püskürmüş palçıq vulkanında elmi araşdırmalara başlanılıb.Araşdırmalar zamanı orada gedən geoloji proseslər, aktivlik dərəcəsi daha dəqiq ölçülüb və seysmik aktivliyin bu vulkanlara təsiri müəyyənləşdirilib.Rusiyalı mütəxəssislərin də yaxından iştirak etdiyi monitorinq Abşeron, Qobustan və Şamaxı palçıq vulkanlarını əhatə edəcək. Sonda institut tərəfindən sönmüş vulkanların 3D modelinin qurulması nəzərdə tutulub.Hazırda institutda dünya ölkələrinin palçıq vulkanlarının atlası da hazırlanır.
