Kremlin sözçüsü Dmitry Peskov Birləşmiş Ərəb Əmirliklərinin paytaxtı Abu Dhabidə ABŞ və Ukrayna ilə danışıqların yeni mərhələsinin keçirilməsi ehtimalı daha da çətinləşdiyini bildirib.
AZXEBER.COM xarici mətbuata istinadən xəbər verir ki, Peskov Moskvada jurnalistlərə açıqlamasında qeyd edib ki, ABŞ və İsrailin İrana hücumlarından sonra regionda vəziyyət gərgin olaraq qalır. Onun sözlərinə görə, Rusiya Prezidenti Vladimir Putin gərginliyin azaldılması üçün mümkün addımları atır.
Kreml sözçüsü bildirib ki, Putin region ölkələrinin liderləri ilə təmaslar aparır və infrastruktur obyektlərinə hücumlarla bağlı ciddi narahatlıqları İran tərəfinə çatdıracağını vəd edib.
Eyni zamanda, Peskov ABŞ, Rusiya və Ukrayna arasında danışıqların yeni mərhələsinin yeri və vaxtı ilə bağlı hələlik konkret qərarın olmadığını vurğulayıb. Onun sözlərinə görə, hazırkı şəraitdə görüşün Əbu-Dabidə keçirilməsi barədə danışmaq çətindir.
Gülay
