Xatırladaq ki, axırıncı seriyalarda kəşfiyyatçı olan Ersoy Ulubey Polad Alemdarın adamı Mematinin körpə oğlu Əli Mematini öldürür, bununla da kifayətlənməyərək dəfn vaxtı silahlı adamlarla qəbristanlığa hücum edir. Ömer baba və Mematinin yaralandığı insidentdən sonra tərəflər arasında qalmaqal böyüyür.

Qeyd edək ki, yeni seriyada ailə dostu olan prokuror Leyla Ersoy Ulubeyin adamlarını öldürdüyü üçün Polad Alemdarı həbs etmək istəyir. Bu vaxt Polada gələn telefon zəngindən məlum olur ki, Ersoy Ulubeyin ailəsi Polad və adamları tərəfindən girov götürülüb. Telefonda soyuqqanlı danışan Ulubey Polada, “Mərasim lazım deyil, ailəmi uyğun bir yerə basdır. Mən də eynisini sənin ailənə edəcəyəm ki, bir daha cənazə rəzilliyi baş verməsin” – deyir.

106-cı seriyada yaralanaraq bu vəziyyətdə xəstəxanadan qaçan və növbəti dəfə travma alaraq yenidən xəstəxanaya çatdırlan Mematinin həyatı isə təhlükə altındadır. “Kurtlar Vadisi Pusu”-nun 107-ci seriyası yanvarın 6-da eyni vaxtda və eyni kanalda nümayiş olunacaq.