“Cinayət işi başlanıb”.
DİN İnsan Alverinə qarşı Mübarizə İdarəsinin rəisi müğənni Elçin Hüseynova məxsus olan “New life“ çay evində əxlaqsızlıq yuvasının aşkar olunmasına münasibət bildirib.AZXEBER.COM-un Qafqazinfo-ya istinadən verdiyi xəbərə görə, camaat haqlı olaraq “New life” kafesi haqqında rayon İcra Hakimiyyətinə şikayət edib:
“Şikayətçilər həmin kafedə əxlaqsız adamların toplandığını bildiriblər. Onların dediyi fakt da öz təsdiqini tapıb. İdarənin əməkdaşları əməliyyat keçirib. Bununla əlaqədar də Cinayət işi başlanıb. Hazırda istintaq gedir”.
Qeyd edək ki, müğənni Elçin Hüseynov isə jurnalistlərə açıqlamasında kafenin onun adına olmadığını və orada heç bir əxlaqsızlıq yuvasının fəaliyyət göstərmədiyini açıqlamışdı. Daha sonra E.Hüseynovun bacısının yoldaşı, müğənni Yusif Mustafayev həmin kafenin qaynına məxsus olduğunu təsdiqləmişdi.
