Prezident İlham Əliyev sultana məktub yazdı

Azərbaycan prezidenti İlham Əliyev Malayziyanın Ali Başçısı Əlahəzrət Tuanku Mizan Zeynal Abidin ibn əl-Mərhum Sultan Mahmud əl-Müktəfi Billah Şaha təbrik məktubu göndərib. Dövlət başçısı məktubunda Ali Başçını və Malayziya xalqını milli bayram – Müstəqillik günü münasibətilə təbrik edib. “Əminəm ki, Azərbaycan ilə Malayziya arasındakı münasibətlərin hərtərəfli inkişafı, dostluq və əməkdaşlıq əlaqələrimizin genişləndirilməsi yolunda bundan sonra da qarşılıqlı səylər göstərəcəyik. Bu əlamətdar gündə Sizə möhkəm cansağlığı, işlərinizdə uğurlar, dost Malayziya xalqına əmin-amanlıq və firavanlıq arzulayıram”, - deyə dövlət başçısının təbrik məktubunda vurğulanıb.