Türkiyənin Van bölgəsində baş verən zəlzələ ölkəni yasa batırıb. Zəlzələdən bir həftə keçməsinə baxmayaraq hələdə Van vilayətində, Erçiş şəhərində axtarış işləri davam etdirilir. Xilasetmə işləri davam edən ərəfədə bölgədəki fəlakəti əks etdirən fotolar nümayiş etdirilir. İnsan ürəyini ağrıdan görüntülər hətda Türkiyə prezidenti Abdullah Gülün də ağlamasınada səbəb olub. ANS PRESS-in türk mətbuatına istinadla verdiyi məlumata görə, Milli Təhlükəsizlik Şurasında Erciş rayon Jandarmasının hazırladığı fotolardan ibarət slayd nümayiş olunub. Fotoları izləyən Türkiyənin prezidenti Abdulla Gül göz yaşlarına hakim ola bilməyib. Türkiyənin quru qoşunları komandanı Hayri Kıvrıkoğlu Vanda izlədiyi fotoları özü ilə birlikdə Ankaraya gətirib. O, Milli Təhlükəsizlik Şurasında zəlzələnin nəticələri və edilən yardımlar barədə danışarkən, fotoları da nümayiş etdirib.
