Bu ifadəni Dövlət Departamentinə göndərən səfir Cin Krets ABŞ Dövlət Departamentində müzakirələr üçün Vaşinqtona çağırılıb.
«Politico.com» internet saytının ABŞ-da nəşr olunan «MakKleçi Group» qəzetlərinə istinadən verdiyi xəbərə görə səlahiyyətli mənbələr bildirirlər ki, səfir Kretsin bu Vaşinqton səfəri böyük ehtimalla, Liviyadakı vəzifəsindən ayrılması ilə nəticələnəcək. Dövlət Departamentinin səlahiyyətlilərindən biri deyib ki, səfirin Qəddafinin sağlamlığı və fərdi vərdişləri ilə bağlı yazdıqları onun bundan sonra Liviya hökuməti ilə işləməsinə mane olacaq. Trablusda səfir vəzifəsinə 2008-ci ilin noyabrında təyin olunan Krets ABŞ-ın 1972-ci ildən bu yana bu ölkəyə təyin etdiyi ilk səfirdir.
