Təşkilatın məlumatında bildirilir ki, Mübarəkin devrilməsi ilə nəticələnən nümayişlər zamanı Təhrir Meydanında azı 18 qadın həbs olunub. Qadın nümayişçilər həbsdə olarkən əsgərlər onlara elektirk verib, döyüb, çılpaq fotoşəkillərini çəkib və işgəncə ediblər.
Beynəlxalq Əfv Təşkilatı Misir hökumətini işgəncə iddialarını araşdırmağa və istintaq işlərini başlatmağa çağırıb. Məlumatda eyni zamanda bildirilib ki, "Qadınlar və qızlar, Misirin gələcəyi ilə bağlı fikirlərini azad şəkildə, həbs olunmadan, işgəncə görmədən ya da son dərəcə alçaldıcı hərəkətlərə və ayrı-seçkiliyə məruz qalmadan ifadə edə bilmirlər”.
