AZXEBER.COM-un məlumatına görə, artıq bir neçə gündür ki, yeni çalışdırıcının italiyalı Roberto Mançini olacağı haqda xəbərlər dolaşır.
İstanbul klubu bu gün Mançini ilə danışıqlara başladıqları haqda rəsmi açıqlama versə də, ingilis mətbuatı tərəflərin artıq anlaşdığını iddia edir.
Tanınmış "Dailymail" qəzeti "cimbom"un 48 yaşlı mütəxəssislə 3 illik müqavilə bağlayacağını yazıb. Mançini "Qalatasaray"da illik 5.5 milyon avro məvacib alacaq. Bonuslarla birgə bu məbləğin 7 milyon avroya çatacağı təxmin edilir.
Bundan başqa, Roberto Mançininin müqaviləyə bir bənd əlavə etmək istədiyi bildirilir. Belə ki, "Mançester Siti"nin sabiq çalışdırıcısı İtaliya yığmasına rəhbərlik etmək təklifi alarsa, "Qalatasaray"dan təzminat ödəmədən ayrılmaq istəyir.
