Ötən gün Türkiyədə 25 yaşlı qadın naməlum şəxs tərəfindən üstünə benzin tökülərək yandırılıb. Yerli mətbuatın xəbərinə görə, hadisə gecə saat 23.30-da Sakarya rayonunda baş verib. Qadının fəryadını eşidən qonşular alovu söndürərək onu xəstəxanaya çatdırblar. Vəziyyəti ağır olan iki övlad anası daha sonra İstanbuldakı xəstəxanalardan birinə göndərilib.Qeyd edək ki, faktla bağlı araşdırmalara başlayan polis hadisəni törətməkdə şübhəli bilinən yaralının ögey əmisi, 37 yaşlı Tayfun B.ni yaxalayıb. Məlum olub ki, ailəli və bir övlad atası olan Tayfun B.nin qardaşı qızı ilə qeyri-rəsmi münasibəti varmış. Qardaşı qızına başqaları ilə görüşməməsi üçün xəbərdarlıq edən əmi yaranmış mübahisə zəminində ona benzin tökərək yandırıb.
